Тексты тропарей священномученикам Андрею Зимину и Павлу Лазареву

Священный Синод постановил утвердить к общецерковному богослужебному употреблению тропари и кондаки священномученикам Павлу Лазареву и Андрею Зимину, пресвитерам Приморским.

Тексты утвержденных тропарей и кондаков направлены в Издательство Московской Патриархии для включения в богослужебные сборники.

Справка:

Месяца января в 5-й день

Священномученика Андрея Зимина, пресвитера
Тропарь, глас 5:

Земли Дальневосточныя прозябение/ и о людех ея теплый молитвенниче,/ храмов Божиих усердный строителю/ и благочестия неленостный учителю,/ священномучениче Андрее,/ верою воспеваем труды и подвиги твоя,/ во дни гонений и брани смертию за Христа увенчанныя./ Ты же, Престолу Божию предстоя,/ прилежно молися Господеви/ спастися душам нашим.

Кондак, глас 6:

Уссурийския паствы добрый наставниче,/ священномучениче Андрее,/ первозванному апостолу в крещении соименный,/ твердей вере того подражал еси/ и, селения окрестная обходя,/ жизни во Христе люди научал еси,/ в годину же страданий земли Русския,/ благодатию Господнею укрепляемь,/ терпение мук паче ума явил еси,/ ныне же, на Небесех с новомученики Богу предстоя,/ моли спастися душам нашим.

+++

Месяца мая в 20-й день 

Священномученика Павла Лазарева, пресвитера

Тропарь, глас 1:

Свыше званный и Богоматерию благословенный,/ иерею честный и доблий страдальче,/ людем Приморскаго края наставниче/ и собора новых мученик достойный причастниче,/ священномучениче Павле достохвальне, /моли Пресвятую Троицу,/ Юже в земли нашей прославил еси,/ даровати нам мир и велию милость.

Кондак, глас 3:

Сердцем веруя в правду Божию/ и усты исповедуя спасительный Крест Господень,/ многия люди во истине утвердил еси/ и пред гонители Христа исповедал еси,/ священномучениче Павле,/ сего ради, ведущее тя, яко единаго от новых мученик Востока земли нашея/ и святых страдальцев собора Церкве Русския,/ согласно тебе вопием:/ благодатную помощь с Небесе нам низпосли,/ празднующим любовию память твою.